Расійскі эканамічны ўніверсітэт імя Г. В. Пляханава — буйная расійская вышэйшая навучальная ўстанова для падрыхтоўкі эканамістаў. Заснавана ў пачатку ХХ ст. як Камерцыйныя курсы, а з 1907 г. Маскоўскі камерцыйны інстытут. У 1919 г. нацыяналізаваны і пераназваны ў Маскоўскі інстытут народнай гаспадаркі (МІНГ) імя Карла Маркса. З 1924 г. носіць імя Г. Пляханава. Акрамя асноўных карпусоў у г. Масква мае сетку філіялаў у Расіі і некаторых краінах СНД, у тым ліку ў Мінску.